А тука се поставува прашањето: кои витамини е најважно да ги земаме напролет и во кои намирници се наоѓаат истите?

Витамин Ц

Витаминот Ц е неопходен за имунитетот, крвните садови како и за одржување на младешкиот изглед и еластичноста на кожата. Во текот на зимата и почетокот на пролетта обично го нема доволно во исхраната бидејќи сè уште нема сезонско свежо овошје и зеленчук. А во цитрусите го нема во доволна количина бидејќи увезеното овошје се бере кога сè уште не е доволно зрело, па содржи мала количина на аскорбинска киселина.

Освен тоа, во текот на складирањето и транспортот губат значајна количина од витаминот. Затоа најдобар избор на овој витамин се киселата зелка и смрзнатите бобинки.

За да ја задоволите дневната потреба за витамин Ц, доволно е секој ден да јадете 150-200 грама кисела зелка. Оваа намирница исто така содржи пребиотички компоненти како диететски влакна, млечна киселина кои помагаат во оптимално функционирање на цревата и помага во зајакнување на имунитетот.

Одличен избор на витамин Ц се и смрзнатите бобинки, како на пример црвените и црните рибизли.

Витамин А

По зимата, на телото му се навистина потребни витамини растворливи во масти, особено витамин А. Помага во одржување на состојбата на кожата и имунитетот. Прекурзорот (соединение кое учествува во хемиска реакција со која се произведува некое друго соединение) на витамин А – каротеноидот, го има во изобилство во морковот, тиквите и пиперките.

Но, не е доволно само да внесувате овошје и зеленчук. Витамин А има во голема количина и во црниот дроб од бакалар – во 100 гр. има 4 пати повеќе од препорачаната дневна доза. Оптималниот дневен внес изнесува 25 грама дневно.

Витамин Б

Витамините од групата Б помагаат во смирување на нервите, обновување на кожата и поттикнување на менталните активности. Повеќето витамини од групата Б се наоѓа во говедскиот џигер. Оваа намирница е всушност витаминска бомба бидејќи содржината на некои витамини Б во неа достигнува 100 отсто од препорачаната дневна доза.