Претседателот на Демократската Унија за Интеграција, г-дин Али Ахмети денес оствари средба со амбасадорот на Кралството Шпанија, г-дин Хозе Луис Лозано Гарсија изразувајќи подготвеност за блиска соработка и посакувајќи му успех во новиот ангажман.
На средбата, пофалено е долгогодишното пријателство и билатералните односи меѓу двете земји, како и отворената волја за натамошно продлабочување на соработката во интеграциите, но и на полето на економијата, трговијата итн.
Тема на дискусија во овој состанок беа и последните политички случувања во земјава како и преговорите за спорот со Република Бугарија.
Во однос на Изборниот Законик, Ахмети смета дека сегашниот модел со шест изборни единици е посоодветен бидејќи за промена на изборниот законик и изборните единици потребен е поширок консензус и усогласеност со сите политички фактори во државата и дека како прашање треба да се постави на расправа во Собранието.
Тема на разговор меѓу двајцата соговорници беше и ветингот на политичарите, судиите и обвинителите и со овој дух на почитување на правосудниот систем и со оваа иницијатива што ја покрена ДУИ се стреми кон дополнително проширување со единствена цел да се постигне кредибилноста на фигурите во сите сфери на животот, бидејќи секој што сака да врши јавна функција мора да го помине процесот на ветингот.
Ахмети и Гарсија заклучија дека изборите не се решение во моментов, бидејќи земјата оди напред и дека интеграцискиот процес не треба да биде блокиран и решавањето на сите спорови со соседните земји е позитивно за Република Северна Македонија во приклучувањето кон големото европско семејството.
За време на разговорот, Ахмети го запозна шпанскиот амбасадор Гарсија за новата динамика на разговорите за решавање на спорот со Бугарија, посетите на Скопје и Софија, воспоставувањето дијалог и акциониот план на работните групи и добрата политичка волја за решавање на отворените и прифатени прашања од двете страни.
Двајцата соговорници, Ахмети и Гарсија, заклучија дека соработката меѓу Република Северна Македонија и Кралството Шпанија треба да продолжи во духот на разбирањето, а поддршката за земјата на патот кон евроинтеграциите не треба да запре додека конечната цел не биде постигната.