Демократската Унија за Интеграција (ДУИ) синоќа од Липково продолжи со предизборен собир во Куманово каде што ја презентираше изборната програма и листата на кандидати за советници во оваа општина предводена од Арта Мехмети Адеми.
На присутните во Куманово им се обратија претседателот на Демократската Унија за Интеграција Али Ахмети, првиот вицепремиер Артан Груби и носителот на листата на кандидати за советници во оваа општина, Арта Мехмети Адеми.
Претседателот на ДУИ, Али Ахмети во својот говор изрази максимална поддршка за листата на советници за општина Куманово составена од квалитетни кадри.
„Навистина се чувствувам горд на оваа инвестиција и националното богатство што го направивме во текот на овие 18 години. Нема поголемо задоволство и инвестиција кога ќе ја видите листата составена од професори и квалитетни кадри. Тоа беше сон многу години бидејќи во многу сектори, во многу институции немаше вработени, но барањата се зголемија и ние инвестиравме во националната агенда, во застапеноста на Албанците. Нашите населени места треба да се разубават и развијат како што напредувале земјите од ЕУ“, кажа лидерот на ДУИ, Али Ахмети во Куманово.
Првиот вицепремиер Груби истакна дека предизборното патување започна од Гостивар и продолжи во другите општини како ветер на победата.
„Вие сте апсолутно одлучувачи кој ќе биде следниот градоначалник на Куманово, без наш глас, без ваш глас, ниту советот, ниту градоначалникот нема да бидат избрани. Затоа, не оставајте врата без да тропнете, не оставајте никого без да сретнете, не оставајте работа без да ја направите. Го започнавме ова многу долго изборно патување од Гостивар, за да продолжиме во Тетово, Липково и Дебар во сите други општини каде што има работа пред нас, секаде браќа и сестри мириса на победа, мириса на пресврт, мириса на обновувањето на Демократската Унија за Интеграција “, изјави првиот вицепремиер, Артан Груби.
Носителката на листата кандидати за советници во општина Куманово, Арта Мехмети Адеми потенцираше дека е дојдено време да се грижиме со нашите сили за зелена иднина.
„ДУИ долги години беше посветена за доброто на Албанците што се гледа и се чувствува во многу области. На овие локални избори доаѓаме со Зелената агенда за трансформација на општината и населените места во поразвиени. Дојде време да се грижиме со нашите сили и да ја градиме нашата иднина, за нас и нашите деца “, изјави носителката на листата на кандидати за советници, Арта Мехмети Адеми.
Демократската Унија за Интеграција, денеска ќе ја продолжи изборната кампања во општина Чаир, каде ќе го претстави кандидатот за градоначалник Висар Ганиу и листата на кандидати за советници со носител на листа г-ѓа Сермине Пурини.
