Претседателот на Демократската Унија за Интеграција, г. Али Ахмети денеска го искористи своето право на глас на Локалните избори 2021 година, во неговото родно место во селото Зајаз во општина Кичево.
Лидерот на ДУИ, Ахмети упати апел до сите граѓани да излезат на гласање, посакувајќи мирен и демократски изборен процес до негово целосно завршување. Според него, ова ќе биде најголемата победа што ќе ја докаже демократската зрелост на земјата.
„Како и обично, првата желба е изборите да поминат според сите стандарди, бидејќи слободните избори се одраз на нивото на демократија во една земја, на остварувањето на демократијата, иако сите ние инвестиравме во високи стандарди за ова ниво да се подигне и се надевам дека граѓаните ќе се определат за најдобрата визија, за најдобрата програма бидејќи и визијата и програмата се во корист на сите граѓани. Се надевам на успешно завршување на процесот, на прифатлив процес за сите страни кои учествуваат во изборниот процес”. – истакна Ахмети во својата изјава за медиумите.
Тој, исто така, ја изрази својата проценка за изборната кампања како достоинствен процес, одржан според сите демократски стандарди, заблагодарувајќи им се на граѓаните во земјата за поддршката и за слушањето на програмската понуда на Демократската Унија за Интеграција во секоја општина.
На овие локални избори, Демократската Унија за Интеграција учествува со 19 кандидати за градоначалници и 35 листи за општински советници.
Видео материјали https://we.tl/t-a4UF5ok4ec