Лидерот на Демократската унија за интеграција Али Ахмети повторно замавна по двете најголеми македонски партии ВМРО ДПМНЕ и СДСМ со порака дека и двете се копираат себеси во кампањата против ДУИ со иста стратегија и цел.
Ахмети на својот Фејсбук профил објави видео компилација со силни изјави на Христијан Мицковски и Зоран Заев против Демократската унија за интеграција.
Ахмети пред неколку недели го објави своето прво видео со иста порака, но со различни изјави од политилки експоненти на ВМРО ДПМНЕ и СДСМ.
Неодамна ВМРО ДПМНЕ започна остра кампања против ДУИ со закани против принципот на коалиционирање на победник со победник, промовирајќи се како одредувачки фактор на албанската политичка волја, слично како и во 2006 година, кога одлучи да не го почитува гласот на Албанците во северна Македонија.
Во продолжение прочитајте го целиот статус на Али Ахмети на Фејсбук:
Порано СДСМ, денес ВМРО ДПМНЕ, иста кампања, ист наратив, иста стратегија со иста цел.
Граѓаните се тие кои одлучуваат за судбината на политичките партии и ја одредуваат одговорноста за водење на државата согласно нивните очекувања.
Ништо ново, видем филм, со старо и некреативно сценарио, со чести реемитувања со различни актери.
Ние, нашата работа за доброто на општеството и граѓаните како и градењето на конструктивни политики и соработка меѓу субјектите за доброто на државата, ќе ја продолжиме и ги каниме сите политички партии да се занимаваат со проекти и програми, а не со луѓе и партии.
Гласот на граѓаните во демократско и мултиетничко општество е свет и одлучувачки за институционалната стабилност на државата и мора да го почитуваат сите оние кои имаат за цел да преземат одговорност за да ја водат државата, преку градење одржливи политики, без повторување на грешките од минатото.
