Министерот за надворешни работи по два дена молчење во интервју за Сител демантираше дека тв презентерката Ејупи била предложена за нова конзулка во Њу Џерси. Таков предлог немало од МНР, вели Османи. Тој се пофали дека дури 80 проценти од досега именуваните амбасадори се професионалци, иако постојат и примери како што е Петрит Муслиу, синот на аналитичарот Муслиу кој иако поставен за конзул во Чикаго, нема дипломатско искуство.
За поранешниот шеф на дипломатијата Милошоски последниот скандал со пополнување на конзуларните позиции во САД укажува на еклатантно кршење на законот за надворешни работи. Тој прецизира дека ниту презентерката Ејупи ниту Муслиу, не ги исполнуваат условите од членот 49 од законот каде јасно стои дека приоритет за овие позиции имаат кариерни дипломати или личности кои се истакнати на полето на мегународните односи. Милошоски вели дека како претседател на комисијата за надворешни работи, ке побара од Османи отчет и за другите конзуларни позиции.
Пралелно со овие скандали, дузина амбасадорски места и натаму остануваат празни со години. Милошоски потсети дека за првпат во 30 години една земја, во случајот САД, одбила амбасадор кој го предложиле македонските власти.
Аммасадорското место во Вашингтон е празно од 2018 година, кога од таа позиција си замина Васко Наумовски.
