Сирискиот град Дера е во речиси целосна контрола на режимот на претседателот Башар ал Асад по распоредувањето на војската во бунтовничките квартови врз основа на примирјето, соопшти воен извор известувајќи за „кревок мир“.
Градот Дера е главниот град на истоимената јужна покраина главно под контрола на режимот од 2018 година.
Војската влезе на 8 септември во бунтовничкото упориште на градот врз основа на договорот склучен на 1 септември под покровителство на Русија, сојузничката на владата на Асад.
Од тогаш се поставени девет контролни точки на влезот во градот, соопшти владиниот воен извор, пренесува Франс прес.
Според договорот, бунтовниците мора да го предадат оружјето, а оние кои ќе одбијат ќе бидат евакуирани кон преостанатите бунтовнички региони на северот на земјата. Мажите кои не отслужиле воен рок ќе може да останат.
Локалните власти наведуваат дека во поранешното бунтовничко упориште отворени се дел од продавниците и во тек се работи на поставување мобилни клиники.
Во судирите во јули и август во Дера загинале повеќе десетици луѓе, според податоците на невладините агенции, а околу 40.000 луѓе избегале, наведува ОН.
