Кошаркарскиот првак МЗТ Скопје Аеродром оствари убедлива победа (86:62) над Пелистер во третиот меч од финалната серија и поведе со 2:1. Тимот на Александар Петровиќ сега е на чекор до одбрана на шампионската титула и серијата може да ја комплетира в петок во Битола.
„Металците“ почнаа фуриозно, а Пелистер комплетно падна по осум минути. До крајот на првиот период поведоа со 28:19, а на полувреме предноста веќе беше двоцифрена. Вторите десет минути МЗТ ги доби со 26:8 и беше јасно кој ќе победи во оваа пресметка.
Потоа се беше само рутина за домашниот тим, а Пелистер делуваше неорганизирано и во текот на мечот загуби дури 28 топки.
Немања Милошевиќ постигна 23 поени и беше најефикасен на натпреварот, а по 14 уфрлија Војдан Стојановски и Џуан Дејвис.
Игор Кесар и Дејвид Хоутон постигнаа по 15 поени во редовите на Пелистер.