Крешник Бектеши министер за економија во емисијата 24 Отворено рече дека индустријата има долгорочни договори, особено со Макпетрол, единствениот снабдувач со гас во државата и сега се обезбедени сите енергенси и грејната сезона е започната.
„До крајот на грејната сезона имаме обезбедено енергенси. Утре ќе ги доставиме нашите барања во делот на поддршката што треба да ја добиеме од Европската комисија и тие барања се за директна помош за индустријата за тие што се на слободниот пазар и директна помош со коофинансирање на ЕК заедно со буџетот на државата за поддршка на малите потрошувачи. Ќе ја прошириме листата на ранливите категории. Ќе бараме коофинансирање на проектите и субвенциите за сите домаќинства и мали компании. Сето ова утре ќе биде испратено до ЕК. Очекувам таа да даде поголема поддршка за нас зошто сме направиле големи отстапки“ – вели Бектеши.
