„За јавноста воената интерванција на Русија врз Украина не беше очекувана. Во војната прво гине вистината. Тоа значи длабинска проверка на сите информации кои доаѓаат од двете страни. Во владеењето на Путин може да се каже дека е апсолутисчко, но тоа не значи дека е нерационално, колку и да звучи тоа еретички. Кај нас владее некаква анти-руска хистерија која преминува во русофобија. Јас сум против цензура, мислам дека не е добар чекорот да се забранат руски медиуми во Европа, па и кај нас. Со таква цензура се навредува интелигенцијата на народот. Русија не е така диктаторско општество како што светот сака да ја прикаже“ – вели Сафет Бишевац, поранешен пратеник во Студио 10 на ТВ24.
Тој смета дека „одлуката на руската амбасада е логична. Најголемата цена од оваа агресија ја плаќаат недолжните цивили. Контектот не е прикажен на вистинскиот начин“.
