Според неговите зборови, тој е против било какви санкции кои би имале негативни последици по Бразил и укажал на руското ѓубриво кое е од клучна важност за земјоделскиот сектор на таа држава.
Бразилскиот претседател Жаир Болсонаро одбил да ја осуди воената операција на Русија во Украина, и за разлика од ставот на неговата администрација, најавил дека таа земја во ОН ќе биде неутрална.
Болсонаро на прес-конференцијата рекол дека Бразил ќе остане неутрален во спорот, нагласувајќи дека “Русија и Украина се практично братски држави”.
Нема да бираме страна
„Нема да бираме страна, ќе продолжиме да бидеме неутрални и ќе помогнеме кога тоа ќе биде возможни. Повеќето Украинци зборуваат руски јазик“, нагласил Болсонаро.
Според неговите зборови, тој е против било какви санкции кои би имале негативни последици по Бразил и укажал на руското ѓубриво кое е од клучна важност за земјоделскиот сектор на таа држава.
Болсонаро додал дека украинскиот народ својата надеж ја ставил во рацете на комичарот Володимир Зеленски.
Гласање во Советот за безбедност на ОН
Бразилскиот претседател неодамна ги игнорирал повиците на САД да не оди во посета на РУсија и предизвикал негодување од своите западни сојузници бидејќи рекол дека е солидарен со Москва.
Кон крајот на неделата, Бразил гласал за нацрт резолуција на СБ на ОН со која се осудува руската воена операција во Украина, и покрај негодувањето на Болсонаро. Русија ставила вето на оваа резолуција.
