Аналитичарот Даути, одговор до академиците:
БРОЕВИ НА ЖЕЛБИ, БРОЕВИ НА РАЗОЧАРУВАЊЕ, БРОЕВИ НА РЕАЛНОСТ!
„Ако со години си измислувал невистини, а потоа си почнал да им веруваш на истите, доаѓа денот да се погледнеш во огледалото, и тогаш мислиш дека огледалото лаже…“.
Вака аналитичарот Даут Даути ги искоментира некои ставови на македонските академици во врска со резултатит на пописот на населението во една негова објава на Фејсбук, споделувајќи ја својата последна колумна во весникот „Коха“, „Момент на реалноста“.
Тој понатаму појасни дека вистината за порастот на процентот на Албанците лежи во повисокиот наталитет кој резултирал со постепен пораст низ децении: на пописот 1981-19,8%, на двата пописи од 90-тите (делумно бојкотирани) -22,9 %, во 2002-25,17% и логично изгледа тоа што по две децении процентот со нормални демографски параметри се зголеми на над 29 проценти.
„Наместо да се грижат за сериозните општествени тенденции кои не засегаат истовремено сите нас(нискиот наталитет на Македонците, намалувањето на севкупниот број резидентното население и масовната миграција во странство, што не е само феномен на Македонија, над 130 илјади неопределени (треба нив да ги прашаат зошто), повикот за бојкот пред почетокот на пописот и се до анализата зошто Македонците биле помалку заинтересирани и помалку мотивирани да се попишат во дијаспората…), ги обвинуваат Албанците за нештата за кои тие самите треба да бидат одговорни: за создавање лажна илузија…“, напиша Даути, додавајќи:
„Кога академските интелектуални кругови ќе паднат во оваа замка, тие самите треба да ги објаснат причините и последиците, бидејќи со селективниот пристап создаваат магла за да ја сокријат реалноста што треба подобро да ја знаат“.
Целата колумна на Даут на овој линк:
