Бугарскиот премиер Петков е во карантин

Jan 11, 2022

[ad_1]

Кирил Петков

Бугарскиот премиер Кирил Петков е во превентивна самоизолација откако бил во контакт со претседателот на парламентот Никола Минчев кој е позитивен на коронавирус, соопшти денеска владинот претставник за печат.

-„Премиерот ќе биде под карантин како што се правилата. Владата допрва ќе одлучува за кој ќе ги преземе неговите должности. Никола Минчев се почувствува лошо веднаш по состанокот на Советодавниот совет. На седумчасовната средба Минчев присуствуваше заедно со претседателот Румен Радев, премиерот Кирил Петков, министрите за одбрана, внатрешни работи и финансии, началникот на Генералштабот на бугарската армија, како и шефовите на безбедносните и разузнавачките служби. Присуствуваа и заменик-министер за надворешни работи, како и врвни претставници на седумте бугарски партии со места во парламентот – рече тој.

Според најавите, бугарска делегација, предводена од премиерот Петков, на 18 јануари треба да ја посети Македонија, на средби со македонскиот државен врв, со фокус на македонските интеграции во ЕУ.

ПОСЛЕДНИ ВЕСТИ