После три сезони поминати во Јувентус, Матијас Де Лихт го напушти Торино и се пресели во редовите на Баерн Минхен.
Холандскиот дефанзивец играше одлично во Ајакс и во Јувентус пристигна како големо засилување, иако не разочара сепак не ги исполни очекувањата во целост. Од Де Лихт се очекуваше да биде еден од лидерите на „новиот Јувентус“, но тоа не се случи.
Во интервју за „ЕСПН“ Де Лихт откри дека Маурицио Сари бил тренерот поради кој пристигнал во Јувентус и се било поразлично кога тој си заминал.
„Дојдов во Јувентус со идеја дека ќе играме напаѓачки фудбал, Сари беше тренер и играше неверојатен фудбал во Наполи и Челзи. Очекував тимот да игра како Ајакс, сепак тој си замина по една година, со Алегри беше поинаку“, изјави Де Лихт.
Коментари