Демократската Унија за Интеграција (ДУИ) ги поздравува чекорите преземени за започнување на работите за реализација на најголемиот проект, Коридорот 8, инфраструктурен проект што ќе помине низ Република Северна Македонија, и истовремено ќе ги поврзува земјите на Западен Балкан меѓу себе преку една модерна инфраструктура.
Поврзувањето што ќе го направи Коридорот 8 е од посебно значење бидејќи ќе ги вклучи речиси сите гранични премини, од границата со соседна Бугарија, од Република Косово преку Блаце каде се гради еден друг модерен автопат и до Ќафасан со Република Албанија, со што Северна Македонија станува ефикасен поврзувачки мост за земјите од регионот.
Демократската Унија за Интеграција ја поздравува посветеноста Владата за спроведување на овој проект и смета дека неговата имплементација ќе им го олесни животот на граѓаните во земјата, но и во регионот, ќе го зголеми економскиот развој, ќе го модернизира транспортот во земјата.
Ваквите проекти се во фокусот на Програмата на Демократска Унија за Интеграција, која преку своите политики ги конкретизира истите во реалниот живот, со што овозможува подобар живот за сите граѓани во земјата.
Демократската Унија за Интеграција проценува дека Коридорот 8 претставува добра можност за земјата, и од политички аспект, бидејќи ќе овозможи земјата да добие нова геополитичка тежина како мост помеѓу балканските земји.