Унапредувањето на процесот на децентрализација и финансиската независност на општините е приоритет на Демократската Унија за Интеграција. Во оваа насока, Демократската Унија за Интеграција смета дека усвојувањето од страна на Владата на Предлог-законот за изменување и дополнување на Законот за финансирање на единиците на локалната самоуправа има за цел да зголемување на фискалниот капацитет на општините, нивното економско управување и зголемување на транспарентноста.
Предложените измени ќе го подобрат фискалниот капацитет и ќе ги зголемат приходите на општините преку постепено зголемување на стапката на грант од ДДВ и персоналниот данок на доход, со цел поголема финансиска независност и стабилност на единиците на локалната самоуправа.
Со предлог-законот се предвидува постепено зголемување на приходите од персонален данок на доход од 3% на 6% до 2024 година, односно процентот за 2022 година ќе биде 4%, за 2023 година ќе биде 5% и за 2024 година ќе биде 6%. Овие приходи општините ги добиваат од приходите од персоналниот данок на доход од платите на физичките лица, наплатени во општината во која се пријавени со адреса и живеалиште. Законот, исто така, предлага промени за постепено зголемување на стапката на дотација на ДДВ од 4,5% на 6%. Ова овозможува обезбедување на приходи од ДДВ во износ од 6%, од наплатениот ДДВ остварен во претходната фискална година почнувајќи од 2024 година. Во исто време, и овде се предвидува постепено зголемување, така што во 2022 година ќе биде 5% и во 2023 година ќе постигне 5,5%.
Со реформите во финансискиот сектор, предвидено е и формирање нова Агенција за регионален и локален развој преку која ќе има повеќе средства за општински инфраструктурни проекти, што ќе придонесе за побрз регионален развој. Агенцијата ќе обезбеди средства од централниот буџет, но и финансиски средства од локални и меѓународни финансиски институции за финансирање капитални инфраструктурни проекти на општините.
Демократската Унија за Интеграција го има во фокус развојот на општините и во оваа насока смета дека реформите во финансискиот систем се неопходни со цел општините да ги реализираат проектите кои се во интерес на граѓаните и да создадат услови за поквалитетен живот.
