Формула 1 тимовите имаат проблеми со новите технологии во развојот на болидите, кои се многу променети од оваа сезона во споредба со претходните. Со проблеми се соочува и тимот на легендарниот Фернандо Алонсо.
По првата трка во Бахреин мораа да го сменат моторот со внатрешно согорување, а проблемите беа откриени по самата трка. Минатата недела болидот на Алонсо остана без струја на средината на трката и Шпанецот мораше да се откаже, па сега тимот треба повторно да го смени моторот на третата трка сезонава.
Новиот, трет мотор со внатрешно согорување ќе се најде во болидот на Алонсо за Големата награда на Австралија следниот викенд, потврди извршниот директор Алаурен Роси.
Утврдено е дека последниот мотор имал дефект на пумпата за вода.
„Брзо го откривме проблемот. Не е до моторот, туку до пумпата за вода. Ова предизвика проблем со ладењето, а потоа и низа настани, моторот се ладеше помалку, маслото се загреваше, создавајќи повеќе проблеми. Фернандо можеше да продолжи да вози и моторот работеше, но очигледно не во идеални услови“, изјави Алаурен Роси.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.