Се очекува на новинарите да им се обрати шефот на европската дипломатија Жозеп Борел, откако, како што им е потврдено на новинарите, по речиси 12 часа завршија разговорите меѓу претседателот на Србија Александар Вучиќ и косовскиот премиер Албин Курти во вилата „Билјана“ кај Охрид. Веста за завршената средба ја објави и портпаролот на ЕУ.
Портпаролот на ЕУ Петер Стано на својот Твитер профил потврди дека состаноците се завршени и дека високиот претставник за надворешни работи и безбедност Жосеп Борел накратко ќе се обрати на печатот.
Трилатералната средба започна по 15 часот, имаше две паузи, а новинарите за целото време не добија никаква официјална информација поврзана со содржината на преговорите. Одвоени средби претходно имаа српскиот и косовскиот лидер.