Со одржувањето на првата меѓувладина конференција денеска во Советот на Европска Унија во Брисел, на која учествуваше владина делегација предводена од Ковачевски, Македонија ги отвори преговорите за полноправно членство во ЕУ. На овој историски важен настан со кој започнува ново поглавје за државата на патот кон ЕУ на македонски јазик пред претставниците од 27 земји членки се обрати премиерот Ковачевски. На седницата говореа министерот за надворешни работи на Чешка, Јан Липавски, како претседавач, високиот претставник на ЕУ Жозеф Борел и комесарот за проширување Оливер Вархеји.
