Првиот потпретседател на Владата и министер за политички систем и односи меѓу заедниците, Артан Груби говорејќи за изградбата на Коридорот 8 рече дека на 4-ти април ќе се постави камен-темелникот на овој проект. Тој рече дека автопатот Тетово-Гостивар ќе биде целосно нов бидејќи, како што истакна, во моментов не е ниту автопат. „Ќе се гради комплетно нов автопат Тетово-Гостивар. Од двете страни ќе има три ленти. Камен-темелникот ќе биде поставен на 4 април. „Патот Тетово-Гостивар во моментов не е ниту автопат, бидејќи има две коловозни ленти“, рече Груби. Тој зборуваше за компанијата „Бехтел Енка“. „Тоа е голема компанија, нивните дела зборуваат сами за себе, градат во Србија, Косово, Црна Гора и многу други земји. Го планираа и патот Скопје-Блаце“, изјави Груби.
© Copyright - redakcija.mk