По повод поставувањето на камен-темелникот на Коридорот 8 денеска во Тетово беше одржана свечена церемонија на која присуствуваа премиерот Димитар Ковачевски, лидерот на Демократската унија за интеграција (ДУИ) Али Ахмети, првиот потпретседател на Владата и министер за политички систем и односи меѓу заедниците, Артан Груби, министерот за транспорт и врски Благој Бочварски, директор на ЈПДП „Државни патишта“ Ејуп Рустеми, амбасадорката на САД во Скопје, Ангела Агелер, шефот на инфраструктурниот сектор на „Бехтел и Енка“, Шон Кени.
„Почитуван премиере, министри, заменици министри, градоначалници, претседатели на политички партии, амбасадори, претставници од „Бехтел и Енка“ , претсавник од ИРД „Инженеринг“, медиуми, граѓани, денеска сакам само да Ви се заблагодарам на сите, да започнам од премиерот Димитар Ковачевски, за целата негова поддршка на проектот, но исто така не би сакал да го заборавам и поранешниот премиер Зоран Заев за поддршката која ја даде на овој проект , блоагодарност и до претседателот на Собранието за донесувањето на специјалниот закон, да им се заблагодарам на сите градоначалници за изградба на овој проект, да им се заблагодарам на сите членови на Управувачкиот комитет на Владата како и на сите директори, да му се заблагодарам на директорот на Јавното претпријатие за државни патишта Ејуп Рустеми за соработката да дојдеме до овој ден, успешен ден каде што сме денес, да и се заблагодарам на Владата на САД, амбасадорката на САД Ангела Агелер. Особено сум горд сто конзорциумот „Бехтел и Енка“ ќе го градат Коридорот 8 и Коридорот 10д.“ истакна Груби во својот говор пред писутните.
