Првиот вицепремиер и министер за политички систем и односи меѓу заедниците, г-дин Артан Груби денеска се сретна со в.д. Шефот на мисијата во Амбасадата на Соединетите Американски Држави во Скопје, г. Ерик Мејер.
Вашингтон е најголемиот поддржувач на Република Северна Македонија.
Груби и Мејер разговараа за спроведување на неопходните, но многу важни реформи со цел институциите да функционираат непристрасно и независно, за владеењето на правото, вклучително и борбата против корупцијата.
Првиот вицепремиер Груби и в.д Шефот на мисијата во Амбасадата на САД во Скопје, Ерик Мејер, исто така, разговараа за процесот на Попис на населението во 2021 година. Груби му пренесе на г. Мејер дека овој процес е важен за РСМ, но и дека е барање на сите меѓународни институции кои очекуваат од нас како земја кандидат за членство во Европската унија, да ги преземеме сите наредни чекори врз основа на процентот на населението и со ова да ги планираме и да ги спроведуваме развојните политики во нашата земја.
На оваа средба Груби и Мејер разговараа и за локалните избори кои ќе се одржат на 17 октомври ова година. Груби го извести Мејер дека веќе се направени сите подготовки за организирање на овие избори и дека тие ќе се одржат во демократски и европски дух.
Груби и Мејер разменија мислења и за надминување на отвореното прашање со соседна Бугарија. На Ерик Мејер, вршител на должноста шеф на мисијата во Амбасадата на САД, Груби му кажа дека Северна Македонија е подготвена да се врати на разговорите со целосна конструктивност откако бугарската страна ќе биде подготвена за тоа.
Првиот вицепремиер, г -дин Артан Груби, му се заблагодари на вршителот на должноста шеф на мисијата во Амбасадата на САД во Скопје, Ерик Мејер, за континуираната и искрена поддршка на Америка за нашата земја.
Соговорниците разговараа и за Коридорот 8, во таа прилика Груби ги информираше гостите за текот на постапките и изрази убедување дека договорот ќе биде потпишан во текот на годината со американската компанија Бехтел.
