Скопје, 16 Сеп – Денес, Првиот Вицепремиер и министер за Политички систем и односи меѓу заедниците, г-дин Артан Груби заедно со Премиерот г-дин Зоран Заев, претседателот на ДУИ Али Ахмети, заменикпремиерот Битиќи, министерот Бектеши и градоначалниците Шилегов, Беџети и Ганиу, беа присутни на посета на новата фабрика за производство на кабли на компанијата “One Cable” во индустриската зона во Сарај.
“Ви благодарам многу за можноста да ви се обратам на овој посебен ден за вас, кога ја промовираме новата инвестиција вредна 3 милиони евра на компанијата One Cable. Навистина е посебно задоволство што денес сме сведоци на вашиот успех со кој придонесувате за економијата на нашата земја и град. Но, исто така, ќе ми дозволите да го изразам задоволството што вие како приватен инвеститор ги кните лидерите од владата и општините заеднички да го означат почетокот на работата во овој објект. За мене, ова е знак на афирмативна оценла од светот на бизнисот за условите што владата ги нуди за бизнисот, за отворање нови работни места, за развој на претпријатијата. Не постои стопанска комора, ниту сериозно претпријатије, домашно или странско, кое не наишло на подадема рака на партнерство во владата и нашите општини. И затоа сме денес тука. Затоа сме поканети да ја споделиме радоста на успехот со вас. Бидејќи секој ваш успех е и наш. Бидејќи наидовте на сериозни партнери во владата и општините. Да беше поинаку, денес немаше да бидеме тука со вас”, истакна Првиот Вицепремиер Груби.
Според него, станува збор за приватна инвестиција од 3 милиони евра со софистицирана и современа машинерија за производство за што им честита на инвеститорите за иновативниот и модерниот дух со кој стануваат дел од домашниот и меѓународниот пазар.
“Многу сум горд на климата од доверба и соработка што ја изградивме како влада со стопанствениците затоа што имаме заеднички интерес, развиена и еднаква држава за сите каде што заедно ќе живееме уште подобар живот. Драги Фатмир и Јусуф, денес не гледате овде заедно, Зоран Заев и Али Ахмети, Петре Шилегов и Блерим Беџети. Така бевме и на други настани затоа што градиме приказна за еднакво Скопје, без разлики од страните на Вардар, Скопје и држава каде што живееме заедно, а не одделно. Сметам дека оваа наша соработка во владата и во општините ви носи вам како стопанственици предвидливост и сигурност да го реализирате и развивате својот бизнис, без страв и без сомнежи. Нашата конструктивна соработка ги спокојува и граѓаните затоа што тие не сакаат поделба, не сакаат едно Скопје за нив и друго Скопје за нас, не сакаат споменици, туку сакаат фабрики, не сакаат судири, туку сакаат мир, тие не сакаат една влада или една општина за едни да биде мајка а за други маќеа. Ви честитам за храброста да инвестирате во време на пандемија и со ова ги охрабрувате другите инвеститори со стимулирање на локални и странски бизнисмени да го сторат истото. Успесите нека ве следат засекогаш”, рече Груби.
