Ви гарантирам како човек кој ја знае нивната болка, човек чиј мајчин јазик е оспорен, овде во Република Северна Македонија, дека нема да има апсолутно никакви последици врз македонските културни, јазични, идентитетски и духовни карактеристики. Ова го изјави првиот заменик шеф на Владата на Република Северна Македонија, Артан Груби.
Груби во оваа прилика рече и дека тој во свое име како прв вицепремиер, во име на Демократската унија за интеграција и во име на Владата ги охрабрува политичките елити во државата да се надминат себеси и да видат дека овој предлог го отвора патот за земјата за почеток на разговори со Европската унија е историски момент.
