Првиот потпретседател на Владата и министер за политички систем и односи меѓу заедниците, Артан Груби на вчерашното интервју за ТВ 21 изјави дека во опозицијата има проевропски струи кои ќе гласаат за уставните измени.
Тој рече дека 6 проуставни пратеници ќе бидат во редовите на опозицијата, која исто така е составена од неколку партии во коалиција со ВМРО -ДПМНЕ и дека има проевропски пратеници кои ќе гласаат за измените.
Воедно ќе донесат реформи во ВМРО-ДПМНЕ.
„Сега имаме 74 пратеници, 64 од владината коалиција, 8 од Алијана на Албанците и 2 од БЕСА, уште 6 ќе најдеме кај опозицијата. Имаме секојдневен контакт со пратениците на ВМРО-ДПМНЕ, некои ќе гласаат, убеден сум“, категорично одговори Груби.
