Првиот потпретседател на Владата и министер за политички систем и односи меѓу заедниците Артан Груби, придружуван од премиерот Димитар Ковачевски, како и други министри, денеска го пречека австрискиот претседател Александар Ван дер Белен. Груби во својата објава на Фејсбук пишува дека поддршката на Австрија за Северна Македонија никогаш не изостанала, давајќи им сила на сите крупни одлуки на земјата. ” Заедно со премиерот и другите колеги денеска го пречекавме австрискиот претседател Александар Ван дер Белен, кој е во официјална посета на Скопје. Поддршката на Австрија во процесот на европска интеграција на земјата отсекогаш била силна. Нагласив дека Република Северна Македонија отсекогаш била наградувана за своите храбри одлуки во изминатите години, па затоа следниот чекор за уставни измени ќе ја запечати европската иднина на нашата земја и граѓани”, напиша Груби.
Груби-Ван дер Белен: Австрија силно го поддржува процесот на европска интеграција на Северна Македонија
