За босанскиот 69 годишниот пејач Халид Бешлиќ поодамна немаме ништо слушнато. Но за тоа има дебела причина. Поради короната тој никаде не пее, дома е, мирува и ужива во тоа како што вели “со сила наметната пензија“.
– Немам настапи, трошам од заштедата. Пред пандемијата месечно имав и по 20 концерти. И сега добивам многу понуди за концерти, тоа се големи суми на пари, но сите ги одбивам.
Нема такви пари кои ќе ме натераат да пеам додека луѓе лежат по болници, се борат со вирусот. Луѓето умираат, а јас да пеам. Тоа не е воопшто нормално. Од почетокот на пандемијата само еднаш се случи да ги прекршам мерки, да пеам на некоја забава, но ја научив лекцијата:
– Да седам дома и да не правам глупости. Не дај Боже да закачам корона. Затоа сите мои концерти кои беа планирани во Истанбул, Дубаи, во Америка, Канада, во Европа, сите ги откажав. А токму тие концерти ја носат и заработувачката. Мене ми е поважно здравјето од парите. Доволно заработив, сега можам и да не пеам. Стрпливо чекам да помине оваа болештина, раскажа Бешлиќ кој го засакавме поради хитовите “Први пољубац“(кај нас ја пее Миле Кузмановски), “И занесен том љепотом“, “Вољела ме једна Есма“…..