[ad_1]
Напаѓачот на Атлетик Билбао ја објави својата одлука да настапува за репрезентацијата на Гана.
Фудбалерот роден во Шпанија, Ињаки Вилијамс, најави дека во остатокот од кариерата ќе настапува за репрезентацијата на Гана.
Вилијамс е роден во Шпанија од родители кои, бегајќи од граѓанската војна во Либерија, стигнале до бегалскиот камп во Гана. По Гана тие трајно се преселиле во Баскија.
„Чувствувам дека дојде моментот да го пронајдам моето потекло. Африка и Гана се дел од моето семејство. Сакам да вратам мал дел од сето она што ни го даде Гана, бидејќи одигра значајна улога во тоа да станам личност што сум“, напиша Вилијамс на Твитер.
Вилијамс играше за јуниорските селекции на Шпанија, а забележа и еден настап за сениорската селекција, во 2016 година против Босна и Херцеговина во пријателски натпревар. На Светското првенство оваа година Гана ќе игра во групата Х заедно со Португалија, Јужна Кореја и Уругвај.
Athletic Club’s Inaki Williams has chosen to represent Ghana in international football having previously played for Spain 🇬🇭 pic.twitter.com/B8HZoVZpIK
— International Champions Cup (@IntChampionsCup) July 6, 2022
