Пет натпревари се одиграа изминатата ноќ во НБА лигата. Во два натпревари се играа продолженија. Ноќта ја обележа рекордот на Јанис Адетокумбо и новиот пораз на ЛА Лејкерс.
Актуелните шампиони, Милвоки Бакс, во продолжението забележаа победа во Бруклин. Бакс славеа со 120:119. Јанис Адетокумбо натпреварот го заврши со 44 поени, 14 скока и шест асистенции. Грчкиот репрезентативец на овој меч стана најдобриот стрелец во историјата на франшизата. На првото место на вечната луста тој го мина легендарниот Карим Абдул-Џабар.
Милвоки, се втори на Истокот, имаат победа и натпревар помалку од Мајами Хит. Бруклин заедно со Шарлот и Атланта ја делат осмата позиција, трите тима имаат скор 40-37.
Атлната против Кливленд ја забележа 40.победа во сезоната. Хокс го декласираа противникот со 131:107.
Чикаго и ЛА Клиперси играа продолженија. Булс победија со 135:130. Блескаше Демар Дерозан со 50 поени. Тој е 14.играч од почетокот на сезоната кој успеал да постигне 50 или повеќе поени на еден натпревар. Никола Вучевиќ забележа дабл-дабл од 22 поени и 14 скока, а Зек Лавин уфрли 21 поен. Клиперси ги предводеше Реџи Џексон со 34 поени.
Јута немаше проблем со ЛА Лејкерси. Поразот од 122:109 е четврти за Лејекрис на последните пет натпревари. Извесно е дека ЛА Лејкерс нема да играат во плејофот оваа сезона. „Езерџиите“ се наоѓаат на 11.место ан Западот.
Од почетокот на февруари, Лејекрис имаат скор од четири победи и 14 порзи.
Јута до победата ја предводеа Донован Мичел со 29 и Руди Гобер со 27 поени и 17 скокови.
Филделфија се откажа од борбата за првото место на Истокот, откако неочекувано загуби кај претпоследниот тим во својата конференција, Детроит Пистонс. Детроит славеа против Филаделфија со 102:94.
Садик Беј 10 од своите 20 поени постигна во последните пет минути и заедно со Кејд Канингем (27 поени), беше најзаслушниот за победата на Детроит.
Кај Филаделфија се истакна Џоел Ембидд со 37 поени 15 скока.