Италијанскиот бизнисмен Лучо Гоби доаѓа во Штип и со намера е овде да остане долго. Нуди работа и најголема плата во чевларскиот сектор во државата.
Тој смета дека оваа индустрија во овој дел од државата може да се рестартира и повторно да успее, а со тоа да живнат и многу фамилии.
– Анализирав и доаѓам во Штип затоа што овој регион има многу квалификувани работници за чевларскиот сектор, многу од нив се отпуштени и разочарани, но сето тоа може да се поправи.
– Јас нудам плата најголема овде и егзистенција , јас ќе успеам во тоа бидејќи имам добар план и им нудам добри услови, има работа и за неквалификуваните, вели Гоби за М-нет телевизија.
Лучо доаѓа во Штип со намера да произведе во првата година 100.000 пара обувки, а потоа да го зголеми својот извоз, и да се надградува.
– За првата пратка планирам околу 50.000 илјади чевли, и ми требаат околу 120 работници, знам дека тука ги има, работам и во Албанија, а тоа не е толку далеку.
Со оглед дека новата сезона е на прагот, од каде ќе започне производството, како и каде, во продолжение раскажува Гоби:
– Сезоната е на самиот почеток, од Албанија и Србија мојот проект продолжува во Штип и Карбинци, јас сум веќе три месеци во Карбинци и спроведувам пробно производство.
– Задоволен сум од досегашната проба а сите планови за реализација продолжуваат во објектот на една фирма, каде ќе се гради идната структура.
– Ги повикувам сите кој сакаат да работат и добро да заработат да дојдат и да ја започнеме оваа приказна, платите ќе бидат значително поголеми од досегашниот стандард а работниците тоа го заслужуваат, заклучува тој.