Помошникот државен секретар на САД за европски и евроазиски прашања Карен Донфрид денес ќе биде во посета на Скопје.
Според најавите Карен ќе има средби со високи претставници од Владата на која ќе ја соопшти силната подршка која САД ја даваат на Македонија за преговорите со ЕУ.
Од Скопје, Донфрид ќе се упати за Тирана, додека вчера пак престојуваше во посета на БиХ.
За време на средбата со членовите на Претседателството на БиХ, помошникот државен секретар на САД за европски и евроазиски прашања Карен Донфрид укажала на обврската на политичките лидери во земјата да обезбедат навремени, слободни и фер избори.
Американската амбасада во БиХ соопшти дека Донфрид посочила дека сите политички лидери во земјата „се должни да се стремат кон помирување и градење консензус преку дијалог и да го обезбедат демократското право на граѓаните на навремени, слободни и фер избори“.
„САД се посветени на суверенитетот, територијалниот интегритет и мултиетничкиот карактер на БиХ. „Ќе ги сметаме за одговорни актерите кои ја поткопуваат евроатлантската перспектива на БиХ, преку коруптивни или дестабилизирачки акти“, рече Донфрид, објави американската амбасада во БиХ на Твитер.
Донфрид заедно со американскиот специјален пратеник за Западен Балкан Габриел Ескобар е во петдневната посета на регионот.
