На предлог на претседателот на СДСМ Димитар Ковачевски, Централниот одбор на СДСМ синоќа донесе одлука за замениците министри од СДСМ, а за заменик министер за финансии ќе биде предложен Филип Николоски.
Николоски е независен финансиски и инвестициски експерт, со долгогодишно искуство во финансиите и инвестициското банкарство.
Во професионалната биографија на Николоски се неколку работни позиции. Тој во моментов е независен консултант, а беше член на Управниот одбор на КБ Прво пензиско друштво. Оваа функција ја извршуваше осум години во два мандата до 2017 година.
Претходно од 2002 до 2009 година работеше во Комерцијална банка како финансиски аналитичар и раководител на секторот за инвестициско банкарство.
На оваа позиција дошол откако во 2001 и 2002 бил ангажиран како маркетинг менаџер во Автомобиле СК.
Инаку Николоски е сопственик на култната скопска кафеана Уранија.