Општина Пласница денеска официјално врши преземање на контејнери за собирање на отпад.
Активноста е дел од проектот: Подобрена енергетска ефикасност во јавните објекти и намалување на загадувањето на животната средина кој го спроведува Центарот за развој на ЈПР во соработка со општините партнери меѓу кои и Општина Пласница.
Основна цел на овој проект е подобрување со управувањето врз животната средина во регионот и намалување на загадувањето врз почвата и водите.
Проектот е финансиран од Програмите за рамномерен регионален развој на Министерството за локална самоуправа, односно Бирото за регионален развој за 2021/2022 година.
Вкупната вредност на проектот изнесува 1.061.376 д. од кои 960.000 д. ЈПР ги обезбеди преку Виро за регионален развој, а пак општина Пласница учествуваше со 101.376 денари.
Инаку дeнеска пристигнаа вкупно 59 големи пластични контејнери од 1100 л. и 258 пластични контејнери од 120 л. наменети за домаќинствата и правните лица, а дел ќе бидат поставени на јавните површини во сите населени места на општина Пласница.
Се надеваме дека со реализацијата на овој проект и поставувањето на контејнерите за отпад во сите четири населени места на територија на општина Пласница ќе се собира отпадот и ќе се намали загадувањето на почвата и водите.