На онлајн состанокот разговаравме за проектот за трансферни цени. Во изминатиот период под покровителство на UNDP даночните инспектори од колегите од Словачката даночна администрација добија практични насоки во однос на анализа на извештаите за трансферни цени.
Согласно акциониот план работната група ги продолжува активностите поврзани со градење на капацитети за контрола на трансферни цени, обука и специјализација на инспектори, анализа на податоци од даночни пријави и годишна сметка и подготовка на законски измени согласно позитивните примери на европските земји.
Се зборуваше и за можноста UNDP да даде поддршка и за други активности на УЈП во дел на градење на капацитети и области каде ќе се создаде потреба.Истото ќе се регулира преку склучување на Меморандум за соработка.
