PROGRAM I PAGUAR POLITIKË 1180x200

Маринец од опколената фабрика: Мариупол набргу би можел да падне

Apr 20, 2022

[ad_1]

PROGRAM I PAGUAR POLITIKË 300x250

Украински маринец од опколената фабрика за челик „Азовстал“ во кратко интервју за „Скај њуз“ изјави дека руските сили што ја опколиле челичарницата биле 10 пати помногубројни од бранителите.

Мајорот Сергеј Волина, кој ја презеде улогата на портпарол на неговата единица, рече дека условите во фабриката за челик се ужасни, но инсистира на тоа дека моралот и понатаму е висок.

„Моралот на борците што го бранат Мариупол е сè уште висок. Се бориме. Јасно е дека имаме многу мртви и ранети“, рече Волина.

„На повеќе од 500 борци им е потребна медицинска помош, што е невозможно да стигне овде. Тоа е подземно засолниште. Но, ние сè уште функционираме и продолжуваме да ги штитиме луѓето“, рече маринецот.

Русија со денови тврди дека е на прагот да ја преземе целосната контрола над Мариупол, но маринците и Азовскиот полк сѐ уште не го дозволуваат тоа, пишува „Скај њуз“. Сите преостанати бранители на Мариупол се во фабриката за челик „Азовстал“.

„Што се однесува до руското тврдење дека набргу ќе го преземе Мариупол, да, тоа е можно. Тоа е многу реално“, рече тој.

„Бројот на војниците на нивна страна е 10 пати поголем од нашата. Имаат и многу повеќе опрема, тенкови, артилерија, авијација“, изјави маринецот.

Запрашан за цивилите што се кријат од руските напади во фабриката за челик „Азовстал“, маринецот рече: „Многу цивили се кријат во нашето засолниште. Меѓу нив има жени со деца и бебиња и им треба помош“.

PROGRAM I PAGUAR POLITIKË 940x400

ПОСЛЕДНИ ВЕСТИ