„Марка“ откри детали од договорот помеѓу Реал и Ридигер

Три екипи изминатата ноќ изборија пласман во конференциските полуфиналиња. За Западот Далас и Финикс со 4:2 ги добија сериите против Јута односно Њу Орлеанс, а со идентичен резултат на Истокот Филаделфија го елиминираше Торонто.

Далас предводени од Лука Дончиќ и Џејлен Брансон победија кај Јута со 98:96. Трагичар на натпреварот беше Богдан Богдановиќ кој не погоди отворена тројка во последниот напад.

Дончиќ и Брансон постигнаа по 24 поени, Словенецот имаше и девет скока и осум асистенции. На спротивната страна Донован Мичел уфрли 23, Богдановиќ 19 поени.

Далас во наредната рунда ќе игра против Финикс Санс.

Финикс славеа во Њу Орлеанс со 115:109. Крис Пол со перфектна реализација (14/14) го предводеше тимот. Натпреварот го заврши со 33 поени и осум асистенции. Диандре Ејтон уфрли 22 поени.

Филаделфија, во Торонто, го завери пласманот во наредната рунда. Севентисиксерс славеа со 132:97. Филаделфија второто полувреме го доби со 70:36.

Џоел Ембид постигна 33 поени.

Во наредната рунда Филаделфија ќе игра против Мајами Хит.