Фаворитите Шпанија и Португалија забележаа победи во третото коло, во Фрупата 2 од А-дивизијата во Лигата на нации. Шпанците славеа на гостински терен, а Португалците за полувреме ја добија Чешка. Во Б-дивизијата, третото коло се одигра во Групата 4, Србија забележа минимална победа во Шведска, а Норвешка и Словенија одиграа без голови.
Шпанците, во Женева, во раната фаза на натпреварот го постигнаа единствениот гол. Стрелец беше Пабло Сарабија во 13.минута.
Португалија, на стадионот на Спортинг во Лисабон, ја победија Чешка со 2:0. Поругалците во периодот од 33. до 38.минута ја обезбедија победата, кога Вацлик го совладаа Кансело и Гуедеш.
На табелата во оваа група Португалија води со седум бода, два повеќе од Шпанија, Чешка има четири, а Швајцарија е без освоен бод.
Норвешка не успеа во Осло да ја победи Словенија. Словенците, во третото коло го освоија првиот бод во ова изданија на Лигата на нации. Словенците успеаја да се одбраната во последните 30.минути, кои ги одиграа со фудбалер помалу. Блажич во 63.минута доби црвен картон.
Србија, на стадионот во Солна, славеше над Шведска. Србите доминираа во поголемиот дел од натпреварот, а во последните пет минути успеаја да се одбранат од шведските напади.
Решавачкиот момент на натпреварот се случи во последните секунди од првото полувреме кога Јовиќ успеа да го совлада Олсен.
Норвешка со седум бода води во оваа група, Србија со бод помалку е на второто место, Шведска освои три, а Словенија еден бод.