Денес имав чест да бидам домаќин на делегацијата на Црна Гора, предводена од министерот за екологија, просторно планирање и урбанизам, Ратко Митровиќ.
Со колегата министер разговаравме на повеќе теми од заеднички интерес, поврзани со урбанизмот и инфраструктурата.
Го запознав министерот Митровиќ и со Законот за урбанизам, како еден од реформските закони со кој се става ред во урбанистичкото планирање.
Исто така, на средбата се отвори и прашањето за дигитализација на процесот на издавање на градежните дозволи што се спроведува во Република Северна Македонија.
Соработката помеѓу двете држави продолжува активно и понатаму, бидејќи само со споделени искуства и заедничко делување можеме да ги постигнеме посакуваните резултати.