Министерот за информатичко општество и администрација Адмирим Алити денеска одржа работна средба со претставници на Агенцијата за млади и спорт.
Средбата беше искористена за меѓусебно запознавање и разгледување на можностите за продолжување, продлабочување и интензивирање на соработката.
Се разговараше за начините за спроведување на заеднички проекти и други активности во насока на унапредување на работата на администрацијата.
Заклучок од овој состанок е заедничката определба за професионална, ефикасна и ефективна администрација базирана на дигитализација, која ќе одговори на потребите на граѓаните.
