Во текот на денешниот ден продолжија активностите на грчките служби за потрагата по исчезнатиот македонски државјанин во Грција. Во потрагата се вклучени грчката крајбрежна стража и бројни локални волонтери, соопшти македонското МНР.
Во текот на вечерните часови, во Грција пристигна и мајката на исчезнатиот граѓанин М.Ј., пречекана од Генералниот конзул во Солун, кој продолжува одблиску да комуницира со грчките надлежни авторитети и е на располагање за секаква потребна асистенција.
Последните информации од службите се дека потрагата ќе продолжи утре наутро, штом условите ќе го дозволат тоа, стои во вечерашното соопштение од министерството за надворешни работи на Македонија.
