Народниот протест против францускиот предлог за Македонија денеска започна во 19 часот пред Владата, а ќе продолжи преку Министерството за надворешни работи до Собрание на Република Македонија.
Имено, собраните граѓани им дофрлуваа на полицајците кои се пред Владата во кордон околу тоа кого штитат и зошто не им се придружуваат на другата страна, а потоа фрлија и неколку петарди кон нив, објави ТВ 21.
Инаку, граѓаните бараат да не се потпише овој предлог затоа што според нив е штетен за националните интереси, а се бараат и предвремени парламентарни избори.
Претходно поголем број на полициски возила и автобуси полни со полициски службеници беа забележани во близина на хотелот Александар Палас. Со упалени ротациони светла тие се упатија кон Владата.
