Легендарниот француски актер, Жан-Пол Белмондо почина денеска на 88-годишна возраст а зад себе остави три деца, синот Пол и ќерките Флоренс и Стела.
Токму со 18-годишната Стела, актерот позира на последната фотографија што ја објави на својот Инстаграм профил пред една година.
Таткото и ќерката позираа заедно прегрнати на маса, а фотографијата собра над 15.000 лајкови.
За потсетување, Белмондо во 1952 година се ожени со Елоди Константин со која имаше три деца – Патриција, Флоренс и Пол, а се разведоа во 1965 година. Неговата најстара ќерка Патриција почина во 1994 година во пожар што ја зафати нивната куќа.
Од 1965 до 1972 година Белмондо беше во врска со актерката Урсула Андерс, а од 1972 до 1980 година со актерката Лаура Антонели. По неа во неговиот живот влезе пејачката Карлос Сото Мајор, а од 2008 до 2012 негова придружничка беше манекенката Барбара Гандолфи.
Во 2002 година Белмондо се ожени со танчерката Нејти Тардивел со која живееше заедно десет години. Една година подоцна, белмондо кој тогаш имаше 70 години со Нејти ја доби ќерката Стела. Од втората сопруга се разведе во 2008 година, но блискиот однос со неговата најмала ќерка остана до неговата смрт.
