[ad_1]
Српскиот претседател Александар Вучиќ по телефонскиот разговор со рускиот претседател Владимир Путин изјави дека станало збор и за ситуацијата на бојното поле, а Путин му кажал дека има договор што е на маса во Москва и Киев.
„Реков дека сакаме да се воспостави мир што е можно поскоро, а тој ми рече дека има понуден договор со кој се запознаени и кој е на маса во Киев, Москва и западните центри. Но, не е мое да зборувам за тоа. Се надевам дека ќе биде воспоставен мир, Србија се залага за тоа“, рече Вучиќ.
Како што кажа српскиот претседател, Путин му рекол дека секогаш кога ќе треба, може повторно да му се јави.
Инаку двајцата лидери за време на разговорот договија испорака на гас во Србија за три години со непроменети услови. Како што објасни Вучиќ, цената ќе биде многу поволна.
„Во зависност од дополнителните разговори со ‘Гаспром’, ќе можеме да ви ја кажеме точната цена. Ако пресметаме сега, тоа е 3 пати помалку, а во зима ќе биде 10 пати помалку од она што ќе го плати Европа“, рече Вучиќ.
