Горивата од денеска поскапеа за половина до еден денар по литар, односно малопродажните цени на нафтените деривати се зголемија во просек за 1,48 отсто.
Малопродажните цени на бензините ЕУРОСУПЕР БС-95 и ЕУРОСУПЕР БС-98 и на ЕУРОДИЗЕЛ (Д-Е V) се зголемуваат за еден денар за литар, додека Екстра лесното масло за домаќинство (ЕЛ-1) поскапува за 0,5 денари за литар.
Новата малопродажна цена на ЕУРОСУПЕР БС – 95 изнесува 72 денара, ЕУРОСУПЕР БС -98 се продава за 74, ЕУРОДИЗЕЛ БС (Д-Е V) за 63,5, а Екстра лесно масло за домаќинство (ЕЛ-1) за 63 денари за литар.
Со одлуката на РКЕ за 0,824 денари за килограм се зголемува и малопродажната цена на Мазутот М-1 НС и сега изнесува 37,843 денари.
