Скопското јавно обвинителство поведе постапка против пензиониран полициски службеник од Скопје кој му се заканувал на министерот за внатрешни работи Оливер Спасовски. Тој од својот мобилен телефон, се јавил во полициска станица во Центар со закана дека ќе биде убиен министерот за внатрешни работи, по што веднаш ја прекинал врската.
Откако бил идентификуван и лоциран, бил извршен претрес во неговиот дом, при што биле пронајдени еден карабин марка Ц3 со калибар 8Х57, пиштол марка „Чешка Зброевка“ со калибар 7,65мм, пиштол марка „Смит енд Весон“ модел 38/2, повеќе куршуми од различни калибри, еден пар лисици и телескопска палка.
Обвинителството соопшти дека пензионираниот полициски службеник и претходно е осудуван за други кривични дела и дека поради сериозноста на заканите е побаран притвор.