Почина легендарниот Сидни Поатје, првиот црн актер кој доби Оскар

Актерот Сидни Поатје почина денес на 94-годишна возраст, повтрди извор близок до семејството за NBC News.

Легендарниот актер имаше плодна кариера која се протегаше повеќе од четири децении – почнувајќи од 1950-тите – вклучувајќи ги и главните улоги во Porgy and Bess, A Raisin in the Sun, To Sir, With Love, и, Guess Who’s Coming to Dinner.  Во 1964 година, Поатје влезе во историјата со тоа што стана првиот афроамерикански актер кој освоил Оскар во категоријата за најдобар актер.

Неговата извонредна листа на признанија вклучуваше уште две номинации за Оскар, десет номинации за Златни глобуси, две номинации за Primetime Emmy Awards, шест номинации за БАФТА, осум номинации за Лорел и номинација за награди на Здружението на актерите на екранот. Во 2002 година, Поатје доби Почесен Оскар за неговиот севкупен придонес во американскиот филм.

Причината за неговата смрт дополнително ќе биде утврдена.