Ребалансот на буџетот денеска се најде пред пратениците во Законодавниот дом. За владата истиот ќе даде одговор на кризите во кои се наоѓа земјава. Министерот за финансии уверува- пари ќе има за сите, за социјално загрозените категории, компании, пензии, минимална плата.
Опозицијата упати остри критики пак за каде се ќе завршат парите. Сметаат дека се троши непродуктивно, земјава е на раб на сиромаштија, има се повеќе нови задолжувања, а парите од ребалансот нема да завршат кај оние што им е најпотребно.
Од СДСМ уверуваат дека овој ребаланс ќе биде одговор на последиците од глобалните кризи.
Со ребалансот приходите се 4 милијарди евра, а расходите 4,7 милијарди, со што дефицитот изнесува 700 милиони евра. Инфлацијата годинава е предвидено да надмине 7% од БДП.
Расправата во собранието трае најмногу 5 работни дена.
