Стрелките на часовникот ноќеска во два часот ќе покажуваат три часот. Со промената на сметањето на времето почнува летното сметање на времето и ќе трае до 29 октомври. Од утре еден час ќе се будиме порано. Сања Ѓореѓева експерт за спиење објаснува дека летното сметање на времето не е така добар пријател за нашето здравје и најправилно е зимскиото или нормалното сметање на времето. Прилагодувањето е потешкo, бидејќи нашиот биоритам не познава менување на стрелки на часовник.
„Многу е важно овие денови да спиеме седум часа бидејќи ќе ни помогне да го надминеме уморот и истоа така утре луѓето да имаат помирен ден со цел да имаат подобро прилагодување. Истражувањата покажале дека во првиот понеделник по менувањето на времето има најмногу сообраќајни несречи и затоа граѓаните треба да се внимателни“, вели Сања Ѓорѓева, експерт за спиење.