Турскиот претседател Реџеп Таип Ердоган изјави дека веќе не се водат разговори со Грција.
Дијалогот меѓу Анкара и Атина повторно е закочен по обновувањето на разговорите минатата година по половина деценија пауза за споровите во Медитеранот. Реџеп Таип Ердоган смета дека разговорите со грчкиот премиер постигнале мал напредок, пренесува „Ројтерс“.
Минатата недела претседателот на Турција изјави дека грчкиот премиер „повеќе не постои“ за него, обвинувајќи го Кирјакос Мицотакис дека се обидел да ја блокира продажбата на борбени авиони Ф-16 на Турција за време на неговата посета на САД.
Турција и Грција, и двајцата сојузници во НАТО, долго време се во конфликт за голем број прашања како што се поморските граници, големината на нивните континентални појаси, воздушниот простор и етнички поделениот Кипар, потсетува британската агенција.