Постојат различни начини на кои луѓето можат да ја изразат својата злоба, корупција и глупост. Елвира Алета, психолог и автор на Explorewhatsnext, има што да ви каже.
Накратко: „Не грижете се, не e до вас.“ „Пред да дијагностицирате дека сте депресивни или со ниска самодоверба, прво проверете дали случајно не сте опкружени со будали“ (Вилијам Гибсон ).
Многумина ќе се поистоветат со оваа реченица. Ќе размислат за своите искуства. Колку пати туѓото однесување влијаело на вашето чувство? Колку пати сте морале да прекинете со врска или да се откажете од пријателство затоа што таа врска ја повредила вашата самодоверба?
Постојат различни начини на кои луѓето можат да ја изразат својата злоба, корупција и глупост. Ако луѓето во вашиот живот одговараат на овие три главни карактеристики, проблемот можеби не е вашата самодоверба или депресија!
1. Будалите се среќни во својата глупост
А глупоста не значи дека не се интелигентни. Никој не е паметен цело време и никој не знае сè за сè. Почнете од себе – кога не знаете нешто за некој, за почеток – признајте го тоа. И уште поважно, не им предавајте лекции на другите за тема за која не знаете ништо. Но, тоа не ја спречува будалата да перчи со своето „знаење“. Будалата е намерно, тупо глупава и среќна во тоа.
2. Будалите се гласни и бучни
Може ли будалата да биде тивка и срамежлива? Можеби, но тешко дека ќе се сетите на некој таков. Повеќето будали не се заинтересирани за разговор во кој слушаат и зборуваат. Водат монолог, викаат, влегуваат во вашиот личен простор и воопшто не сфаќаат дека тоа го прават. Или можеби тоа го прават за да ве заплашат. Секако дека не е добро за вас.
3. Будалите се себични насилници
Тие се свртени кон самите себе. Тие ги намалуваат мислите, чувствата и придонесите на другите, а во исто време го пумпаат нивното его и чувствуваат дека вредат многу повеќе.
Зошто будалите нѐ прават да се чувствуваме депресивни?
Ако постојано сме изложени на будали, тие можат да влијаат на нашата самодоверба. Родителите не научиле да бидеме љубезни и добри, да ги слушаме и почитуваме другите. Истото го очекуваме и од другите. Го почитуваме мислењето на другите, дури и кога не се согласуваме со нив. Добрите луѓе не се лутат брзо и имаат тенденција да ги истакнуваат позитивните квалитети на другите. Однесувањето на будалите прави да се чувствуваме глупаво затоа што сме добри. Кога често ја гледаме оваа личност, со текот на времето нашата самодоверба паѓа, се чувствуваме безнадежно, уморно, тажно и депресивно. Хроничната емоционална злоупотреба навистина може да доведе до депресија како дијагноза.